AXENDA DIDÁCTICA 2018 nel C.P.E.B. Cabañaquinta

Güei tuve faciendo dos talleres de cómic colos escolinos y escolines de 3º, 4º, 5º y 6º del C.P. Cabañaquinta, Ayer, dientro de l'Axenda Didáctica escolar 2018 entamada pola Conseyería d'Educación y Cultura.
Vimos los mios trabayos y cómo trabayo yo. Depués fíxe-yos una propuesta d'actividá. 
La propuesta práctica consistió en facer un personaxe de cómic a partir d'un animal humanizáu, al que-y teníen de poner un nome y unes característiques rellacionaes col animal que-yos tocara.

Fiximos tamién otros dos tallerinos colos escolinos d'ESO. Vimos los mios trabayos y cómo trabayo, asina como un repasu pela historia del arte secuencial.

Estos foron los resultaos.

 

AXENDA DIDÁCTICA 2018 nel C.P. Manuel Martínez Blanco de Xixón

Güei tuve faciendo un par de talleres de cómic colos escolinos y escolines de 4º y 6º del C.P. Manuel Martínez Blanco de Xixón, dientro de l'Axenda Didáctica escolar 2018 entamada pola Conseyería d'Educación y Cultura.
Vimos los mios trabayos y cómo trabayo yo.  Depués fíxe-yos una propuesta d'actividá. 

La propuesta pa 6º de primaria foi diseñar ente toos y toes un superhéroe y una superheroina. Nuna puesta en mancomún, cada participante nel taller daba una característica del personaxe. Depués de la tormenta d'idees, cambiamos los roles masculín y femenín pa dibuxar los personaxes, esto ye, teníen que dibuxar al superhéroe coles característiques de la superheroina y viceversa.

La propuesta d'actividá pa 4º consistió en facer un personaxe de cómic a partir d'un animal humanizáu, al que-y teníen de poner un nome y unes característiques rellacionaes col animal que-yos tocara.

Estos foron los resultaos.

 

TALLERES NEL CENTRU D'INTERPRETACIÓN ARMANDO PALACIO VALDÉS

Esta selmana tuve toles mañanes faciendo tallerinos de cómic nel Centru d'Interpretación Armando Palacio Valdés d'Entrialgo, Llaviana. Enantes del taller, nel so centru d'estudios, teníen de lleer l'adaptación al cómic de "L'aldea perdía", fecha por Isaac M. del Rivero a partir de la novela Palacio Valdés.

Cada taller entamaba cola proyección y l'análisis de la morfoloxía y formatos del cómic. Depués, cada una de les persones participantes tenía de facer un cómic nel que teníen de representar seis momentos de la historia de la cuenca'l Nalón.

     1- El valle'l Nalón enantes d'abrir les mines y la industria.
     2- Cómo foi de la qu'entamaron a abrir les mines.
Estes dos primeres partes trescurren na dómina de la que fala "L'aldea perdía".
     3- La minería ya industrialización masives.
     4- Qué pasó de la que zarraron los pozos.
     5- Cómo son les coses anguaño na zona aú viven.
     6- Qué piensen elles y ellos que va pasar nel futuru.

Estos son los trabayos que fixeron los escolinos de 1º ESO del IES Altu Nalón de Barredos, Llaviana.