UN COLE DE CÓMIC NEL C.P. VILLALEGRE

Güei tuve nel Colexu Públicu Villalegre dando un tallerín de cómic a les neñes y neños de 5º de primaria dientro la programación "UN COLE DE CÓMIC" entamada pola Conceyalía de Facienda, Igualdá y Mocedá del conceyu d'Avilés. Vimos los mios trabayos y cómo trabayo yo. Depués fixi una propuesta de trabayu. La propuesta foi diseñar ente toos y toes un superhéroe y una superheroina. Nuna puesta en mancomún, cada participante nel taller daba una característica del personaxe. Depués de la tormenta d'idees, cambiamos los roles masculín y femenín pa dibuxar los personaxes, esto ye, teníen que dibuxar al superhéroe coles característiques de la superheroina y viceversa.

Estos son los trabayos que fixeron les escolines y los escolinos.