Güei
tuve nel C.R.A. Ríu Cibea faciendo dos tallerinos de cómic
coles alumnes y los alumnos de llingua asturiana de primaria,
dientro la programación de la "AXENDA DIDÁCTICA 2017" entamada pola
Conseyería d'Educación y Cultura. Vimos los mios trabayos y cómo trabayo
yo. Depués fixi unes propuestes de trabayu.
La
propuesta pa 2º, 3º, 4º, 5º y 6º de primaria foi diseñar ente toos y toes un superhéroe y una
superheroina. Nuna puesta en mancomún, cada participante nel taller daba
una característica del personaxe. Depués de la tormenta d'idees,
cambiamos los roles masculín y femenín pa dibuxar los personaxes, esto
ye, teníen que dibuxar al superhéroe coles característiques de la
superheroina y viceversa.
El trabayu pa infantil 1º y 2º consistió en facer un personaxe de
cómic a partir d'un animal humanizáu, al que-y teníen de poner un nome y
unes característiques, rellacionaes col animal que-yos tocara. Estos
foron los resultaos.
