LOS SUPERHÉROES Y LOS ROLES DE XÉNERU NA PINACOTECA DE LLANGRÉU

Güei tuve na Pinacoteca de Llangréu dando un tallerín de cómic a les moces y los mozos de 1º d'E.S.O. del I.E.S. Cuenca del Nalón, una actividá entamada pol Serviciu de Normalización Llingüística, del conceyu de Llangréu. Vimos los mios trabayos y cómo trabayo yo. Depués fixi una propuesta de trabayu. La propuesta foi diseñar ente toos y toes un superhéroe y una superheroina. Nuna puesta en mancomún, cada participante nel taller daba una característica del personaxe. Depués de la tormenta d'idees, cambiamos los roles masculín y femenín pa dibuxar los personaxes, esto ye, teníen que dibuxar al superhéroe coles característiques de la superheroina y viceversa.

Estos son los trabayos que fixeron les escolines y los escolinos.