Güei
tuve nel C.P. Ventura de la Paz Suárez de L'Arena, conceyu de Sotu'l Barcu, faciendo dos tallerinos de
cómic coles alumnes y los alumnos de llingua asturiana de primaria,
dientro la programación de la "AXENDA DIDÁCTICA 2017" entamada pola
Conseyería d'Educación y Cultura. Vimos los mios trabayos y cómo trabayo
yo. Depués fixi una propuesta de trabayu.
Tamién fixe un tallerín coles neñes y los neños d'Infantil. Nesti casu'l trabayu consistió en facer un personaxe de
cómic a partir d'un animal humanizáu, al que-y teníen de poner un nome rellacionáu col nome l'animal y el nome propiu d'elles y ellos.
Estos son los trabayos que fixeron les moces y los mozos.
No hay comentarios:
Publicar un comentario