AXENDA DIDÁCTICA ESCOLAR 2017, LOS SUPERHÉROES Y LOS ROLES DE XÉNERU. C.P. Álvaro Flórez Estrada

Güei tuve nel C.P. Álvaro Flórez Estrada de La Pola (Somiedu) faciendo doss  tallerinos de cómic coles alumnes y los alumnos de llingua asturiana de primaria, dientro la programación de la "AXENDA DIDÁCTICA 2017" entamada pola Conseyería d'Educación y Cultura. Vimos los mios trabayos y cómo trabayo yo. Depués fixi unes propuestes de trabayu. La propuesta pa 4º, 5º y 6º de primaria foi diseñar ente toos y toes un superhéroe y una superheroina. Nuna puesta en mancomún, cada participante nel taller daba una característica del personaxe. Depués de la tormenta d'idees, cambiamos los roles masculín y femenín pa dibuxar los personaxes, esto ye, teníen que dibuxar al superhéroe coles característiques de la superheroina y viceversa.

El trabayu pa 1º, 2º y 3º consistió en facer un personaxe de cómic a partir d'un animal humanizáu, al que-y teníen de poner un nome y unes característiques, rellacionaes col animal que-yos tocara. Estos foron los resultaos.