Güei tuve faciendo un taller de cómic colos escolinos y escolines
d'asturianu de primaria del C. San Nicolás de Bari d'Avilés,
dientro de l'Axenda Didáctica escolar 2018 entamada pola
Conseyería d'Educación y Cultura. Vimos los mios trabayos y cómo trabayo
yo.
Depués fíxe-yos unes propuestes d'actividá que consistió, pa los de 1º, 2º y 3º, en facer un personaxe de
cómic a partir d'un animal humanizáu, al que-y teníen de poner un nome y
unes característiques rellacionaes col animal que-yos tocara.
Pa los cursos de 4º, 5º y 6º la
propuesta foi diseñar ente toos y toes un superhéroe y una
superheroina. Nuna puesta en mancomún, cada participante nel taller daba
una característica del personaxe. Depués de la tormenta d'idees,
cambiamos los roles masculín y femenín pa dibuxar los personaxes, esto
ye, teníen que dibuxar al superhéroe coles característiques de la
superheroina y viceversa.
Estos
foron los resultaos.
No hay comentarios:
Publicar un comentario